- 210 -

1359. März 28. Liegnitz.

Herzog Wenzel bestätigt die Vermächtnisse des Reinhard von Gusk und seiner Frau Margaretha, 4 Mrk. von ihren Einkünften zu Rischintern (Rüstern) an die Kirche zum heiligen Grabe auf dem Dome zu Liegnitz durch den Decan Nicolaus und den Vicar Johannes Engilger.

In nomine domini amen. Nos Wenczeslaus dei gracia dux Slezie et dominus Legniczensis notum esse volumus vniuersis et singulis tam presentibus quam futuris presentes litteras inspecturis, quod coram nobis fideles nostri nobiles Reynhardus de Gusk residens siue manens in villa Rischintern Legniczensis districtus Wratislau. dyocesis ac domina Margareta uxor sua legitima ex una, necnon honorabilis vir et discretus dominus Nicolaus decanus vice et nomine venerabilium virororum. . dominorum . .. capellani, ac Johannes Engilgeri vicarius procurator nomine discretorum virorum dominorum et communitatis . .. vicariorum ac etiam curatorum ecclesie sancti sepulcri in Legnicz parte ex altera, personaliter constituti, matura deliberacione cum (amicis et) f(amiliari)bus suis ex utraque parte prehabita et tractatu inter se diligenti, eadem domina Margareta leto et hylari wltu ac ridendo coram nobis ibidem publice et expresse renunciauerit doti et dotalicio siue donacioni per predictum Reynhardum, maritum suum sibi datis, in bonis suis in(fra)scriptis propter nu(pci)as, promittens predictos dominus . . capellanum . . . vicarios et curatos ecclesie sancti sepulcri antedicte, qui sunt, uel qui erunt in futuro, in subscriptis redditibus et prouentibus perpetuis quatuor marcarum grossorum apud ipsos, Reynhardum et Margaretam rite et racionabiliter pro quadraginta marcis (compara)tis, per se uel alium seu alios nullatenus impedire, non contrauenire seu contrafacere publice vel occ(ulte), uerbo uel opere, sed pocius tanquam ex debito pro viribus promouere, quo facto jam dicti (Reyn)hardus et Margareta m(arita ejus)dem coram nobis publice non coacti non decepti non illecti et non per errorem sed ex certa sciencia recognouerunt et libere sunt confessi, quod dictis dominis . . capellano . . (vi)cariis seu communitati vicariorum et duobus curatis ecclesie sancti sepulcri quatuor marcarum grossorum Pragensium, (quatuor) solidis pro marca qualibet computatis, redditus, prouentus annuos et perpetuos,. . capellano videlicet (mediam marcam), vicariis duas cum dimidia et curatis unam, in, de et super allodio suo de tribus mansis necnon scultecia et tribus mansis agrorum ac nouem ortis in Rischintern (dis)trictus Legniczensis, quos subscripti. . . vi(ri) scultetus . . . rustici et. . . ortulani censuales dictorum Reynhardi et Margarete ibidem in Rischintern habent, possident atque colunt videlicet Heyno B(ou)ch vicescultetus, Hannus Springinsgut, Nicolaus der Petirinne, Maczey, Schistirmil, Cristina relicta Martini Poloni, Nicolaus Nigri, Peczko Tabernator, Jacobus Woyslay et Haman ? ac Hen(ric)us filius Malkin, Cunczko Herterich, Paulus Drabin, Katherina Kroskinne, Hanimannus, Nicolaus Wenzel, Nicoleus Stolcis (?), Jacobus Czippil et Johannes Grunow ? super justo et debito censu pecunie et eorumdem agrorum, ortorum, que et quas soluere ordinarie et dare (sunt astricti) exigi et recipi (anniuersarie) necnon .... omnibus et singulis bonis, pratis, ? (ru)betis, nemoribus, pascuis, piscaturis, vtilitatibus et obuencionibus vniuersis et singulis (nihil) penitus excipiendo ibidem in Richintern . . . pertinentibus ad dictos Reynhardum et Margaretham ej(usdem marit)am rite et racionabiliter vendiderunt pro quadraginta marcis grossorum Pragensium, vt prefertur, (q)uas pecunias dictus Reynhardus libere es(t confe)ssus, se a memoratis dominis plene et integraliter (rece)pisse et in vsus seu utilitates suas euidentes notabiliter conuertisse. Quemquidem censum quatuor marcarum siue redditus annuos et perpetuos dicti Reynhardus et Margareta uxor ejus ac ipsorum rustici. . villani et. . ortulani in Rischintern suprascripto, qui omnes et singuli huic presenti vendicioni expresse consenserunt. ac eorumdem successores dare, pagare, soluere ac ipsorum sumptibus, periculis et expensis, in nostra ciuitate Legniczensi presentare sepedictis dominis .. capellano . . . vicariis et ...curatis, qui pro tempore fuerint, videlicet capellano mediam marcam. . vicarijs duas marcas cum dimidia et. . curatis vnam marcam in festo sancti Michaelis archangeli proxime affuturo incipiendo et sic singulis annis et deinceps perpetuis temporibus in quolibet festo sancti Michaelis tenebuntur ante eciam aliam solucionem sepedictis Reynhardo et Margarete et eorum heredibus et legitimis successoribus faciendam, ad quorum eciam reddituum seu prouentuum solucionem dictus Reynhardus cum uxore sua Margareta ac rustici.. villani et., ortulani supradicti, necnon heredes et legitimi successores eorumdem de certa nostra licencia et fauore speciali, censure ecclesiastice reuerendi in Christo patris ac domini, domini Preczlai episcopi Wratisl. compatris nostri karissimi, aut ejus officialis Wratisl. se submittentur, vt ipsi redditus et prouentus quatuor marcarum ab ipsis, quorum interest, ut intererit, in prenotato termino, jurisdicione et censura ecclesiastica repeti et exigi valeant ac requiri. Nos igitur Wenczeslaus dux predictis dictorum vendencium et emencium presentibus favorabiliter inclinati et sepedictos dominos . . capellanum . . vicarios . . . curatos, in personis dictorum dominorum Nicolai decani et Johannis Engilger de pretactis quatuor marcarum redditibus et prouentibus libere absque omni onere seruitutis, pecunijs, peticionibus. exaccionibus et angarijs quibuscumque, recepta tamen prius dictorum Reynhardi et Margarete resignacione, inuestiuimus et presentibus nostris litteris inuestimus ipsisque. capellano . . vicarijs et. . curatis ecclesie Legniczensis possessionem eorumdem reddituum et prouentuum tradimus et exnunc conferimus atque damus; volumus tamen, quod predictus Reynhardus et ejus successores seu heredes dictos redditus cum aliis bonis suis in Rischintern de teneantur, insuper promittimus, data fide nostra, supradictos dominos.. capellanum, vicarios et. . curatos, qui sunt, uel qui pro tempore fuerint, in sepedictorum reddituum et prouentuum percepcione et (recepcio)ne per nos et successores nostros ac officiales quoscumque nullatenus impedire, sed pocius tamquam ex debito liberaliter et benigne pro nostris viribus promouere, videlicet, si quod absit, predicti debitores reddituum et prouentuum prescriptorum summas exaccionis in se latas temere sustinerent et easdem non curarent, volumus ac eciam seriose percepimus et mandamus nostris judicibus et officialibus curie nostre, qui pro tempore fuerint, ipsos ad satisfaccionem, prelibatis dominis . . . capellano . . vicariis et. . curatis, plenarie faciendam, cogi per pignorum sufficienciam et compelli. Actum et datum Legnicz, anno domini millesimo CCC° quinquagesimo nono, feria quinta post annunciacionem virginis gloriose, presentibus strenuis et famosis viris domino Heinrico de Landischron milite, Cunczko Lobil, Nicolao de Blumenow, Heynkone Buch marschalco, Heynich de Gusk, et iuueni (!) de Gusk, necnon domino Nicolao primo decano Legniczensi nostro prothonotario, qui presencia habuit in commisso.

O. d. St. L. No. 93. An der durch Löcher und Wasserflecken vielfach entstellten Urkunde sind nur die Schnüre von grüner Seide erhalten.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866